ՆՈՐՈՒԹՅՈՒՆՆԵՐ

ՀԱՅԱՍՏԱՆՈՒՄ ԿԱՐՄՐՈՒԿԻ ԵՎ ԿԱՐՄՐԱԽՏԻ ԱԶԳԱՅԻՆ ԼԱԲՈՐԱՏՈՐԻԱՅԻ ԳՆԱՀԱՏՈՒՄ ԵՎ ՀԱՎԱՏԱՐՄԱԳՐՈՒՄ

08.12.2020

Առողջապահության Համաշխարհային Կազմակերպության (ԱՀԿ) Եվրոպական տարածաշրջանային գրասենյակն ամենամյա հավատարմագրման (ակրեդիտացիա) գործընթացի շրջանակներում իրականացրել է Հայաստանում կարմրուկի և կարմրախտի ազգային լաբորատորիայի գնահատում:

Գնահատման արդյունքների հիման վրա որոշվել է Առողջապահության նախարարության «Հիվանդությունների վերահսկման և կանխարգելման ազգային կենտրոն» ՊՈԱԿ-ի «Ռեֆերենս լաբորատորկենտրոն»-ի կազմում գործող կարմրուկի և կարմրախտի ազգային լաբորատորիային շնորհել ամբողջական հավատարմագրում՝ 2021 թվականի համար, ինչը նշանակում է, որ լաբորատորիան իր աշխատանքի ընթացքում մշտապես ապահովել է կարմրուկի և կարմրախտի նկատմամբ բարձրորակ համաճարակաբանական հսկողություն, հիվանդության կասկածելի դեպքերի նվազագույնը 80%-ի լաբորատոր հետազոտություն։

Միևնույն ժամանակ նշվում է, որ չնայած կորոնավիրուսային հիվանդության համավարակով պայմանավորված սանիտարահամաճարակային իրավիճակը լուրջ ազդեցություն է թողել Առողջապահության համաշխարհային կազմակերպության եվրոպական տարածաշրջանի առողջապահական համակարգի վրա, այնուամենայնիվ չպետք է կորցնել զգոնությունը կարմրուկի և կարմրախտի համաճարակաբանական հսկողության նկատմամբ՝ հատկապես հանրային առողջության ոլորտում գլոբալ արտակարգ իրավիճակի պայմաններում։

Հիշեցնենք, որ Հայաստանի Հանրապետությունում2007 թվականից ի վեր չեն գրանցվում կարմրուկի, կարմրախտի տեղական դեպքեր, ինչը փաստագրվելէ Առողջապահության համաշխարհային կազմակերպության Եվրոպական տարածաշրջանի «Կարմրուկի և կարմրախտի էլիմինացումըփաստագրող հանձնաժողովի» ամենամյա նիստի արդյունքում: Սակայն հանրապետությունում պարբերաբար արձանագրվում են բերովի դեպքեր, որոնք կարմրուկի և կարմրախտի դեմ պատվաստումներում բարձր ընդգրկվածության և համաճարակաբանական հսկողության միջոցառումների իրականացման շնորհիվ տեղական տարածում չեն ստանում:

ԵԹԵ ԴԵՌ ՉԵՔ ՊԱՏՎԱՍՏՎԵԼ ՍԵԶՈՆԱՅԻՆ ԳՐԻՊԻ ԴԵՄ, ԴԻՄԵՔ ՊՈԼԻԿԼԻՆԻԿԱ և ՊԱՏՎԱՍՏՎԵՔ՝ ՊԱՇՏՊԱՆԵԼՈՎ ՁԵԶ և ՁԵՐ ՄՏԵՐԻՄՆԵՐԻՆ

09.12.2020

Հանրապետությունում արձանագրվել է սուր շնչառական վարակներով (ՍՇՎ) պայմանավորված ակտիվության աճ: ՍՇՎ-ով պայմանավորված հիվանդացության ցուցանիշը նախորդ շաբաթվա հաﬔմատ բարձր է մոտ 1,5 անգամ։ Ինչպես փաստում են արձանագրված տվյալները, ընդհանուր առմամբ, հիվանդացության ցուցանիշն աճել է բոլոր տարիքային խմբերում։ Կորոնավիրուսային հիվանդության (COVID-19) համավարակի պայմաններում հատկապես կարևորվում է սուր շնչառական վարակների, այդ թվում սեզոնային գրիպի կանխարգելումը: Սեզոնային գրիպի կանխարգելման լավագույն և արդյունավետ միջոցը պատվաստումն է, որը հասանելի է, առկա է ամբուլատոր-պոլիկլինիկական կազմակերպություններում և կիրառվում է ավելի քան տասը տարի

Կարդալ ավելին

ԹՈՔԱԲՈՐԲԻ ԴԵՄ ՊԱՅՔԱՐԻ ՀԱՄԱՇԽԱՐՀԱՅԻՆ ՕՐՆ Է

12.11.2020

Առողջապահության համաշխարհային կազմակերպությունը (ԱՀԿ) 2009 թվականին ՅՈՒՆԻՍԵՖԻ հետ համատեղ հայտարարել է Թոքաբորբի դեմ պայքարի և կանխարգելման գլոբալ պլանի մասին՝ նպատակ ունենալով իմունականխարգելման ցուցանիշների բարձրացման արդյունքում հնարավորինս նվազեցնել թոքաբորբերից մահացության ցուցանիշները:

Աշխարհում տարեկան 450 միլիոն մարդ հիվանդանում է թոքաբորբով, որից մահվան ելքով ավարտվում է 7 միլիոնը` մինչև 5 տարեկան երեխաների մոտ` կազմելով ավելի քան 1,4 մլն:

Վարակիչ հիվանդություններից և հնարավոր բարդություններից լավագույն, անվտանգ և արդյունավետ պաշտպանության միջոցը կանխարգելիչ պատվաստումներն են:

Կարդալ ավելին

ՍԵԶՈՆԱՅԻՆ ԳՐԻՊԻ ԴԵՄ ՊԱՏՎԱՍՏՈՒՄՆԵՐԸ ԿԱՏԱՐՎՈՒՄ ԵՆ՝ ԱՌԱՋՆԱՀԵՐԹՈՒԹՅՈՒՆ ՏԱԼՈՎ ՌԻՍԿԻ ԽՄԲԵՐԻՆ ՊԱՏԿԱՆՈՂ ԱՆՁԱՆՑ

16.10.2020

Գրիպով չհիվանդանալու, ինչպես նաև վերջինիս բարդություններից խուսափելու լավագույն միջոցը պատվաստումն է։ Հանրապետության բժշկական օգնություն և սպասարկում իրականացնող բոլոր կազմակերպություններն ապահովված են սեզոնային գրիպի պատվաստանյութով: Սեզոնային գրիպի դեմ պատվաստումները կատարվում են առաջնահերթություն տալով ռիսկի խմբերին պատկանող անձանց՝ այն անձանց, որոնք ենթակա են հիվանդության ծանր ընթացքի կամ բարդությունների առաջացման բարձր ռիսկի:

Կարդալ ավելին