ՆՈՐՈՒԹՅՈՒՆՆԵՐ

ԻՄՈՒՆԱԿԱՆԽԱՐԳԵԼՄԱՆ ԵՎՐՈՊԱԿԱՆ ՇԱԲԱԹ

22.04.2020

Իմունականխարգելման մասին հանրության իրազեկվածությունը բարձրացնելու, պատվաստումների միջոցով բնակչությանը վարակիչ հիվանդություններից զերծ պահելու նպատակով 2004 թվականից եվրոպական տարածաշրջանում ամեն տարի իրականացվում է «Իմունականխարգելման եվրոպական շաբաթ» նախաձեռնությունը: Այս տարի «Իմունականխարգելման եվրոպական շաբաթը» մեկնարկել է ապրիլի 20-ին և կշարունակվի մինչև ապրիլի 26-ը՝ նպատակ ունենալով ողջ կյանքի ընթացքում արժևորել պատվաստանյութերի դերն ու նշանակությունն առողջության և բարեկեցության համատեքստում:

Այս օրերին՝ կորոնավիրուսային հիվանդության (COVID-19) կանխարգելման գործընթացում, ի թիվս այլ կանխարգելիչ միջոցառումների, հատկապես կարևորվում է պատվաստանյութի առկայությունը, որը դեռևս մշակման փուլում է:

Չնայած, որ ներկայումս հանրության ուշադրության կենտրոնում է Կորոնավիրուսային հիվանդությամբ պայմանավորված համաճարակային իրավիճակը և մտահոգությունը, թե ինչպես խուսափել նոր վիրուսից, միևնույն ժամանակ, ամբողջ աշխարհում շարունակում են արձանագրվել պատվաuտումների միջոցով կանխարգելվող հիվանդություններ, որոնք կարծես մոռացության են մատնվել, այն դեպքում, երբ կանխարգելման լավագույն և արդյունավետ միջոցը՝ պատվաստումները, հասանելի են և կիրառվում են արդեն տասնյակ տարիներ:

Իմունականխարգելումն առողջապահության ոլորտում ամենաարդյունավետ ռազմավարություններից է, երբ փոքր ներդրումներով ապահովվում են մեծ արդյունքներ։

Պատվաստանյութերի լայնածավալ կիրառումն ամբողջ աշխարհում մեծ հեղափոխություն էր վարակիչ հիվանդությունների դեմ պայքարի գործում, ընդհուպ մինչև դրանց վերացումը։ Արդյունքում աշխարհում, ընդհանուր առմամբ, կտրուկ նվազել է ինչպես կառավարելի (պատվաստումներով հսկվող) հիվանդությունների մակարդակը, այնպես էլ այդ հիվանդությունների պատճառով մահվան դեպքերը: Այսօր արդեն փաստ է բնական ծաղկի վերացումը, իսկ պոլիոմիելիտի, կարմրուկի, կարմրախտի, դիֆթերիայի, վիրուսային հեպատիտ Բ-ի վերացումը հնարավոր է և հասանելի:

Յուրաքանչյուր ոք պատվաստման մասին երկմտելուց առաջ պետք է գիտակցի, որ հիվանդության առաջացման ռիսկը շատ ավելի բարձր է, քան հետպատվաստումային բարդությունների ռիսկը: Այսպես, ըստ վիճակագրության՝ եթե 1000 կարմրուկով հիվանդից մեկի մոտ է զարգանում էնցեֆալիտ, ապա կարմրուկի, կարմրախտի և խոզուկի դեմ համակցված պատվաստում ստացած մեկ միլիոնից հետպատվաստումային էնցեֆալիտ կարող է զարգանալ մեկի մոտ:

Հայաստանի Հանրապետությունում պլանային պատվաuտումների միջոցով կանխարգելվող վարակիչ հիվանդություններն են` դիֆթերիա, կապույտ հազ, փայտացում, կարմրուկ, կարմրախտ, համաճարակային պարոտիտ (խոզուկ), պոլիոմիելիտ, հեպատիտներ «Ա» և «Բ», տուբերկուլոզ, ՀԻԲ, ռոտավիրուսային, մենինգակոկային, պնևմակոկային, մարդու պապիլոմավիրուսային վարակներ, տուլարեմիա, սեզոնային գրիպ, կատաղություն, որոնք ներառված են պատվաuտումների ազգային oրացույցում:

Մի´ մոռացեք այցելել ձեր տեղամասային պոլիկլինկա:

Հիշե´ք՝ պատվաստումը վարակիչ հիվանդություններից ապահով պաշտպանության միակ միջոցն է:

ԵՐԵՎԱՆԻ ՔԱՂԱՔԻ ՊՈԼԻԿԼԻՆԻԿԱՆԵՐՈՒՄ ՊԱՏՎԱՍՏՈՒՄՆԵՐԻ ԻՐԱԿԱՆԱՑՄԱՆ ԺԱՄԱՆԱԿԱՑՈՒՅՑ

09.04.2020

Հայաստանի Հանրապետությունում Պատվաստումների ազգային օրացույցով նախատեսված պատվաստումներն այս պահին կատարվում և խրախուսվում են առավելապես: Ելնելով նոր կորոնավիրուսային վարակով պայմանավորված իրավիճակից և ազգաբնակչության շրջանում առկա խուճապից` մ´ի մոռացեք, որ այսօր պատվաստումներով կանխարգելվող վարակներից պաշտպանվելն առավել կարևոր է:
Մեկ անգամ ևս հիշեցնում ենք, որ պատվաստումներով կառավարվող հիվանդությունների կանխարգելման ամենաարդյունավետ միջոցը պատվաստումն է: Միայն ժամանակին իրականացվող պատվաստումների շնորհիվ կարելի է կանխարգելել հիվանդությունները և նրանցով պայմանավորված բարդությունները, սակայն այդ պարագայում կարևոր է պահպանել այս իրավիճակում նոր կորոնավիրուսային վարակի կանխարգելմանն ուղղված բոլոր միջոցառումները:

Կարդալ ավելին

ԿԱՊՈՒՅՏ ՀԱԶԻ ԱՇԽՈՒԺԱՑՈՒՄ

20.03.2020

       Կապույտ հազը վարակիչ մանրէային հիվանդություն է, որը փոխանցվում է օդակաթիլային ճանապարհով՝ հազի և փռշտալու ժամանակ:

Կարդալ ավելին

ՀԵՄՈՖԻԼՈՒՍԱՅԻՆ Բ ՏԻՊԻ ՎԱՐԱԿ

19.03.2020

 Հեմոֆիլուսային Բ տիպի վարակը մանրէային ծանր հիվանդություն է: Հիմնականում հիվանդանում են մինչև 5 տարեկան երեխաները:

Կարդալ ավելին