ՆՈՐՈՒԹՅՈՒՆՆԵՐ

ՀԵՄՈՖԻԼՈՒՍԱՅԻՆ Բ ՏԻՊԻ ՎԱՐԱԿ

19.03.2020

       Հեմոֆիլուսային Բ տիպի վարակը մանրէային ծանր հիվանդություն է: Հիմնականում հիվանդանում են մինչև 5 տարեկան երեխաները: Վարակը տարածվում է մարդուց մարդուն: Այն կարող է ախտահարել նաև քրոնիկ հիվանդություններ ունեցող անձանց: Այն դեպքում, երբ վարակը տեղակայվում է քիթ-ըմպանում, հավանականությունը մեծ է, որ հիվանդություն չի առաջանա, իսկ թոքեր և արյան հուն մուտք գործելուց կարող են առաջանալ լուրջ առողջական խնդիրներ՝ ինչպիսին է մանրէային մենինգիտը, թոքաբորբը, բկանցքի ծանր այտուցը, արյան վարակը, հոդերի, ոսկրերի և սրտամկանի ծանր ախտահարումները:
Մինչ հեմոֆիլուսային Բ տիպի վարակի դեմ պատվաստանյութի ի հայտ գալը ԱՄՆ-ում տարեկան մոտ 20 000 երեխա էր հիվանդանում այս վարակով, որոնցից 3-6%-ը մահանում էին:
Պատվաստանյութի ներդրումից հետո հեմոֆիլուսային Բ տիպով առաջացած ինվազիվ հիվանդությունները նվազել են 99%-ով:
Հայաստանի Հանրապետությունում Պատվաստումների ազգային օրացույցում 2009 թվականից ներդրվել է հեմոֆիլուսային Բ տիպի բաղադրիչով համակցված հնգավալենտ պատվաստանյութ (դիֆթերիա, փայտացում, կապույտ հազ, հեպատիտ Բ, հեմոֆիլուս ինֆլուենզա Բ տիպի): Պատվաստումները կատարվում են ըստ օրացույցի՝ մինչև մեկ տարեկանը 3 դեղաչափ և 18 ամսականում մեկ դեղաչափ:
Մեկ անգամ ևս հիշեցնում ենք, որ պատվաստումներով կառավարվող հիվանդությունների կանխարգելման ամենաարդյունավետ միջոցը պատվաստումն է: Միայն ժամանակին իրականացվող պատվաստումների շնորհիվ կարելի է կանխարգելել հիվանդությունները և նրանցով պայմանավորված բարդությունները:

Փայտացման կանխարգելման լավագույն միջոցը պատվաստումն է​​

26.12.2022

Հայաստանի Հանրապետությունում փայտացման դեպքերը գրանցվում են հազվադեպ (վերջին դեպքը գրանցվել է 2020 թվականին), սակայն 2022 թվականի դեկտեմբերի 16-ին հանրապետությունում արձանագրվել է փայտացման դեպք, չպատվաստված 85 տարեկան անձի մոտ, որը հոսպիտալացվել է «Ինֆեկցիոն հիվանդությունների ազգային կենտրոնում», վիճակը գնահատվում է ծայրահեղ ծանր:
Փայտացման կանխարգելման, ինչպես նաև դրա բարդություններից խուսափելու լավագույն միջոցը պատվաստումն է:

Կարդալ ավելին

ՄԵԿՆԱՐԿԵԼ ԵՆ ԿՈՐՈՆԱՎԻՐՈՒՍԱՅԻՆ ՀԻՎԱՆԴՈՒԹՅԱՆ ԴԵՄ ՊԱՏՎԱՍՏՈՒՄՆԵՐԻ ՎԵՐԱԲԵՐՅԱԼ ԱՌՑԱՆՑ ԴԱՍԸՆԹԱՑՆԵՐԸ

12.02.2021

✅ 2021 թվականի փետրվարի 11-ից մեկնարկել են կորոնավիրուսային հիվանդության դեմ պատվաստումների վերաբերյալ առցանց դասընթացները:
✅ Դասընթացները նախատեսված են առողջության առաջնային պահպանման կազմակերպությունների բուժաշխատողների (ընտանեկան բժիշկներ, թերապևտներ, մանկաբույժներ, համաճարակաբաններ, պատվաստման կաբինետի բժիշկներ և բուժքույրեր, պատվաստանյութերի պահպանման պատասխանատուներ, տեղամասային բուժքույրեր, բուժկանխարգելիչ կազմակերպությունում իմունականխարգելման գործընթացի պատասխանատուներ) համար:

Կարդալ ավելին

ԵԹԵ ԴԵՌ ՉԵՔ ՊԱՏՎԱՍՏՎԵԼ ՍԵԶՈՆԱՅԻՆ ԳՐԻՊԻ ԴԵՄ, ԴԻՄԵՔ ՊՈԼԻԿԼԻՆԻԿԱ և ՊԱՏՎԱՍՏՎԵՔ՝ ՊԱՇՏՊԱՆԵԼՈՎ ՁԵԶ և ՁԵՐ ՄՏԵՐԻՄՆԵՐԻՆ

09.12.2020

Հանրապետությունում արձանագրվել է սուր շնչառական վարակներով (ՍՇՎ) պայմանավորված ակտիվության աճ: ՍՇՎ-ով պայմանավորված հիվանդացության ցուցանիշը նախորդ շաբաթվա հաﬔմատ բարձր է մոտ 1,5 անգամ։ Ինչպես փաստում են արձանագրված տվյալները, ընդհանուր առմամբ, հիվանդացության ցուցանիշն աճել է բոլոր տարիքային խմբերում։ Կորոնավիրուսային հիվանդության (COVID-19) համավարակի պայմաններում հատկապես կարևորվում է սուր շնչառական վարակների, այդ թվում սեզոնային գրիպի կանխարգելումը: Սեզոնային գրիպի կանխարգելման լավագույն և արդյունավետ միջոցը պատվաստումն է, որը հասանելի է, առկա է ամբուլատոր-պոլիկլինիկական կազմակերպություններում և կիրառվում է ավելի քան տասը տարի

Կարդալ ավելին