ՆՈՐՈՒԹՅՈՒՆՆԵՐ
ՈՒԿՐԱԻՆԱՅՈՒՄ ՇԱՐՈՒՆԱԿՎՈՒՄ ԵՆ ԱՐՁԱՆԱԳՐՎԵԼ ԴԻՖԹԵՐԻԱՅԻ ԴԵՊՔԵՐ
01.11.2018 Ուկրաինայում պատվաստումներում ցածր ընդգրկվածության պատճառով շարունակվում են արձանագրվել դիֆթերիայի դեպքեր:
Ս․թ. հոկտեմբերի 29-ին Ուկրաինայի Զապորոժյե տարածաշրջանում արձանագրվել է դիֆթերիայի 2 դեպք։
Հիվանդներից մեկի նախորդ դեղաչափի պատվաստման 10 տարին լրացել էր սույն թվականի ապրիլին, մյուսն ընդհանրապես պատվաստված չի եղել: Չպատվաստված հիվանդը գտնվում է ինֆեկցիոն հիվանդանոցում՝ վիճակը գնահատվում է ծանր։
Ավելի վաղ տեղեկացվել էր դիֆթերիայի խմբակային հիվանդացման մասին՝ մեկ ընտանիքից 5 դեպք Չերնիգովի տարածաշրջանում, Կիևում՝ մեկ ընտանիքից 3 դեպք, Լուգանսկում՝ մեկ ընտանիքից 2 դեպք: Հղում՝ https://www.promedmail.org/post/6118795
Եվս մեկ անգամ հիշեցնենք, որ դիֆթերիան աշխարհի շատ երկրներում վերջին տասնամյակներում համարվում էր գրեթե վերացած: Սակայն, աշխարհի շատ երկրներում ներկայում այն գրանցվում է բռնկումների ձևով:
Փայտացման կանխարգելման լավագույն միջոցը պատվաստումն է
26.12.2022Հայաստանի Հանրապետությունում փայտացման դեպքերը գրանցվում են հազվադեպ (վերջին դեպքը գրանցվել է 2020 թվականին), սակայն 2022 թվականի դեկտեմբերի 16-ին հանրապետությունում արձանագրվել է փայտացման դեպք, չպատվաստված 85 տարեկան անձի մոտ, որը հոսպիտալացվել է «Ինֆեկցիոն հիվանդությունների ազգային կենտրոնում», վիճակը գնահատվում է ծայրահեղ ծանր:
Փայտացման կանխարգելման, ինչպես նաև դրա բարդություններից խուսափելու լավագույն միջոցը պատվաստումն է:
ՄԵԿՆԱՐԿԵԼ ԵՆ ԿՈՐՈՆԱՎԻՐՈՒՍԱՅԻՆ ՀԻՎԱՆԴՈՒԹՅԱՆ ԴԵՄ ՊԱՏՎԱՍՏՈՒՄՆԵՐԻ ՎԵՐԱԲԵՐՅԱԼ ԱՌՑԱՆՑ ԴԱՍԸՆԹԱՑՆԵՐԸ
12.02.2021✅ 2021 թվականի փետրվարի 11-ից մեկնարկել են կորոնավիրուսային հիվանդության դեմ պատվաստումների վերաբերյալ առցանց դասընթացները:
✅ Դասընթացները նախատեսված են առողջության առաջնային պահպանման կազմակերպությունների բուժաշխատողների (ընտանեկան բժիշկներ, թերապևտներ, մանկաբույժներ, համաճարակաբաններ, պատվաստման կաբինետի բժիշկներ և բուժքույրեր, պատվաստանյութերի պահպանման պատասխանատուներ, տեղամասային բուժքույրեր, բուժկանխարգելիչ կազմակերպությունում իմունականխարգելման գործընթացի պատասխանատուներ) համար:
ԵԹԵ ԴԵՌ ՉԵՔ ՊԱՏՎԱՍՏՎԵԼ ՍԵԶՈՆԱՅԻՆ ԳՐԻՊԻ ԴԵՄ, ԴԻՄԵՔ ՊՈԼԻԿԼԻՆԻԿԱ և ՊԱՏՎԱՍՏՎԵՔ՝ ՊԱՇՏՊԱՆԵԼՈՎ ՁԵԶ և ՁԵՐ ՄՏԵՐԻՄՆԵՐԻՆ
09.12.2020Հանրապետությունում արձանագրվել է սուր շնչառական վարակներով (ՍՇՎ) պայմանավորված ակտիվության աճ: ՍՇՎ-ով պայմանավորված հիվանդացության ցուցանիշը նախորդ շաբաթվա հաﬔմատ բարձր է մոտ 1,5 անգամ։ Ինչպես փաստում են արձանագրված տվյալները, ընդհանուր առմամբ, հիվանդացության ցուցանիշն աճել է բոլոր տարիքային խմբերում։ Կորոնավիրուսային հիվանդության (COVID-19) համավարակի պայմաններում հատկապես կարևորվում է սուր շնչառական վարակների, այդ թվում սեզոնային գրիպի կանխարգելումը: Սեզոնային գրիպի կանխարգելման լավագույն և արդյունավետ միջոցը պատվաստումն է, որը հասանելի է, առկա է ամբուլատոր-պոլիկլինիկական կազմակերպություններում և կիրառվում է ավելի քան տասը տարի
Կարդալ ավելին