ՆՈՐՈՒԹՅՈՒՆՆԵՐ

ԳՐԻՊԻՑ ՊԱՇՏՊԱՆՎԵԼՈՒ ԼԱՎԱԳՈՒՅՆ ՄԻՋՈՑԸ ՊԱՏՎԱՍՏՈՒՄՆ Է

05.02.2020

Սուր շնչառական վիրուսային հիվանդություններն ամենատարածվածն են ոչ միայն վարակիչ, այլև ընդհանուր հիվանդացության կազմում, որոնց հետևանքով ամբողջ աշխարհում տարեկան մահանում է 290000-ից 650000 մարդ:

Այս օրերին բոլորը հետևում են նոր կորոնավիրուսով պայմանավորված իրավիճակին: Առողջապահության համաշխարհային կազմակերպության կողմից արդեն հայտարարվել է «հանրային առողջապահության ոլորտում միջազգային նշանակության արտակարգ իրավիճակ»: Նոր կորոնավիրուսով պայմանավորված հիվանդության կանխարգելման գործընթացում, ի թիվս այլ կանխարգելիչ միջոցառումների, հատկապես կարևորվում է պատվաստանյութի առկայությունը, որը դեռևս մշակման փուլում է:

Չնայած նրան, որ ներկայումս հանրության ուշադրության կենտրոնում է նոր կորոնավիրուսով պայմանավորված համաճարակային իրավիճակը և մտահոգությունը, թե ինչպես խուսափել նոր վիրուսից, միևնույն ժամանակ, շարունակում է արձանագրվել սեզոնային գրիպով պայմանավորված հիվանդացություն, որը կարծես մոռացության է մատնվել, այն դեպքում, երբ կանխարգելման լավագույն և արդյունավետ միջոցը՝ պատվաստումը, հասանելի է և կիրառվում է արդեն տասնյակ տարիներ: Հարկ է նշել, որ գրիպի համաճարակների հետևանքով ամբողջ աշխարհում տարեկան արձանագրվում է 3-5 միլիոն ծանր ընթացքով դեպք։

Հիշեցնենք, որ հանրապետության բոլոր պոլիկլինիկաներն ապահովված են սեզոնային գրիպի պատվաստանյութով, և բոլոր նրանք, ովքեր դեռ չեն ստացել սեզոնային գրիպի դեմ պատվաստում, կարող են դիմել իրենց հաշվառման պոլիկլինիկա և պատվաստվել: Պատվաստումները կատարվում են կամավորության սկզբունքով, անվճար, պետական պատվերի շրջանակներում՝ առաջնահերթություն տալով ռիսկի խմբերին՝ հղիներ, 6 ամսականից մինչև 5 տարեկան երեխաներ, 65 տարեկանից բարձր տարիքի անձինք, շաքարային դիաբետ, շնչառության օրգանների, սրտանոթային համակարգի, լյարդի, երիկամների քրոնիկ հիվանդություններ ունեցող անձինք, բուժաշխատողներ, փակ կազմակերպություններում գտնվող անձինք և սպասարկող անձնակազմ: Սակայն ազգաբնակչության այլ խմբերի համար ևս պատվաստումը կլինի հասանելի (ռիսկի խմբերի պատվաստումներից հրաժարված անձանց հաշվին)։

Մեկ անգամ ևս հորդորում ենք` եթե դեռ չեք պատվաստվել սեզոնային գրիպի դեմ, դիմե՛ք պոլիկլինիկա և պատվաստվե՛ք:

ՔԱՂՑԿԵՂԻ ԴԵՄ ՊԱՅՔԱՐԻ ՀԱՄԱՇԽԱՐՀԱՅԻՆ ՕՐՆ Է

04.02.2020

Յուրաքանչյուր տարի ամբողջ աշխարհում փետրվարի 4-ը նշվում է որպես Քաղցկեղի դեմ պայքարի միջազգային օրը, որի խորհուրդն է ևս մեկ անգամ հանրության ուշադրությունը բևեռել չարորակ նորագոյացությունների դեմ պայքարին` կարևորելով հիվանդության կանխարգելումը, շարունակական հսկողությունը և բուժումը:

Կարդալ ավելին

ՄՊՎ ՊԱՏՎԱՍՏՈՒՄՆԵՐԻ ՇՆՈՐՀԻՎ ԿՏՐՈՒԿ ՆՎԱԶԵԼ Է ՊԱՊԻԼՈՄԱՎԻՐՈՒՍԻ ՏԱՐԱԾՎԱԾՈՒԹՅՈՒՆԸ

31.01.2020

Բազմաթիվ հետազոտություններ փաստում են, որ մարդու պապիլոմավիրուսի տարածվածությունը շարունակում է նվազել՝ պատվաստման բարձր ցուցանիշ ունեցող երկրներում։ 

Կարդալ ավելին

ԱՆԳԼԻԱՅՈՒՄ ՄՊՎ ՊԱՏՎԱՍՏՈՒՄՆԵՐԻ ՇՆՈՐՀԻՎ ԿՏՐՈՒԿ ՆՎԱԶԵԼ Է ՊԱՊԻԼՈՄԱՎԻՐՈՒՍԻ ՏԱՐԱԾՎԱԾՈՒԹՅՈՒՆԸ

22.01.2020

 Համաձայն «The Guardian» ամսագրում տպագրված հոդվածի, 2008 թվականին մինչ մարդու պապիլոմավիրուսային վարակի (ՄՊՎ) դեմ պատվաստումների ներդրումը, Անգլիայում մարդու պապիլոմավիրուսի 16 և 18 տեսակների տարածվածությունը երիտասարդների շրջանում եղել է 15%, իսկ 2018 թվականին համատարած պատվատումների շնորհիվ այդ ցուցանիշը նվազել է և հասել 2%-ի։

Կարդալ ավելին