ՆՈՐՈՒԹՅՈՒՆՆԵՐ

ՔԱՂՑԿԵՂԻ ԴԵՄ ՊԱՅՔԱՐԻ ՀԱՄԱՇԽԱՐՀԱՅԻՆ ՕՐՆ Է

04.02.2020

Յուրաքանչյուր տարի ամբողջ աշխարհում փետրվարի 4-ը նշվում է որպես Քաղցկեղի դեմ պայքարի միջազգային օրը, որի խորհուրդն է ևս մեկ անգամ հանրության ուշադրությունը բևեռել չարորակ նորագոյացությունների դեմ պայքարին` կարևորելով հիվանդության կանխարգելումը, շարունակական հսկողությունը և բուժումը:
Ինչպես ողջ աշխարհում, այնպես էլ Հայաստանում քաղցկեղի կանխարգելման, բուժման և շարունակական հսկողության իրականացումն առողջապահության առաջնահերթ խնդիրներից է: Այս համատեքստում հատկապես կարևորվում է մարդու պապիլոմավիրուսային վարակով պայմանավորված արգանդի վզիկի քաղցկեղի կանխարգելման իրական հնարավորությունը ինչպես պատվաստումների, այնպես էլ սքրինինգի միջոցով:
Հայաստանի Հանրապետությունում կանանց քաղցկեղային հիվանդությունների կառուցվածքում արգանդի վզիկի քաղցկեղը երրորդ տեղում է: Հայաստանում տարեկան գրանցվում է միջինում 250 նոր ախտորոշված դեպք։ Տարեկան արգանդի վզիկի քաղցկեղից մահանում է միջինում 100 կին: ԱՀԿ պաշտոնական դիրքորոշման համաձայն` արգանդի վզիկի քաղցկեղի արդյունավետ կանխարգելման նպատակով առաջարկվում է համապարփակ մոտեցում՝ պատվաստումային և սկրինինգային ծրագրերի համատեղ իրականացում, որի շնորհիվ է միայն հնարավոր վերահսկել արգանդի վզիկի քաղցկեղի հիվանդացությունը և մահացությունը: Պատվաստումներով կանխվում է վարակվածությունը (առաջնային կանխարգելում), իսկ սկրինինգները նպաստում են հիվանդության վաղ հայտնաբերմանը և ժամանակին բուժմանը:
Հիշեցնենք, որ 2017 թվականի դեկտեմբերից հանրապետությունում Պատվաստումների ազգային օրացույցում ներդրվել են մարդու պապիլոմավիրուսային վարակի դեմ պատվաստումներ 13 տարեկան աղջիկների շրջանում՝ հնարավորություն ընձեռելով կանխարգելել մարդու պապիլոմավիրուսային վարակով պայմանավորված քաղցկեղը:
Դիմե՛ք Ձեր տարածքային պոլիկլինիկա և պատվաստվե՛ք:

ԳՐԻՊԻՑ ՊԱՇՏՊԱՆՎԵԼՈՒ ԼԱՎԱԳՈՒՅՆ ՄԻՋՈՑԸ ՊԱՏՎԱՍՏՈՒՄՆ Է

05.02.2020

Սուր շնչառական վիրուսային հիվանդություններն ամենատարածվածն են ոչ միայն վարակիչ, այլև ընդհանուր հիվանդացության կազմում, որոնց հետևանքով ամբողջ աշխարհում տարեկան մահանում է 290000-ից 650000 մարդ:

Կարդալ ավելին

ՄՊՎ ՊԱՏՎԱՍՏՈՒՄՆԵՐԻ ՇՆՈՐՀԻՎ ԿՏՐՈՒԿ ՆՎԱԶԵԼ Է ՊԱՊԻԼՈՄԱՎԻՐՈՒՍԻ ՏԱՐԱԾՎԱԾՈՒԹՅՈՒՆԸ

31.01.2020

Բազմաթիվ հետազոտություններ փաստում են, որ մարդու պապիլոմավիրուսի տարածվածությունը շարունակում է նվազել՝ պատվաստման բարձր ցուցանիշ ունեցող երկրներում։ 

Կարդալ ավելին

ԱՆԳԼԻԱՅՈՒՄ ՄՊՎ ՊԱՏՎԱՍՏՈՒՄՆԵՐԻ ՇՆՈՐՀԻՎ ԿՏՐՈՒԿ ՆՎԱԶԵԼ Է ՊԱՊԻԼՈՄԱՎԻՐՈՒՍԻ ՏԱՐԱԾՎԱԾՈՒԹՅՈՒՆԸ

22.01.2020

 Համաձայն «The Guardian» ամսագրում տպագրված հոդվածի, 2008 թվականին մինչ մարդու պապիլոմավիրուսային վարակի (ՄՊՎ) դեմ պատվաստումների ներդրումը, Անգլիայում մարդու պապիլոմավիրուսի 16 և 18 տեսակների տարածվածությունը երիտասարդների շրջանում եղել է 15%, իսկ 2018 թվականին համատարած պատվատումների շնորհիվ այդ ցուցանիշը նվազել է և հասել 2%-ի։

Կարդալ ավելին