ՆՈՐՈՒԹՅՈՒՆՆԵՐ
ՄՊՎ ՊԱՏՎԱՍՏՈՒՄՆԵՐԻ ՇՆՈՐՀԻՎ ԿՏՐՈՒԿ ՆՎԱԶԵԼ Է ՊԱՊԻԼՈՄԱՎԻՐՈՒՍԻ ՏԱՐԱԾՎԱԾՈՒԹՅՈՒՆԸ
31.01.2020Բազմաթիվ հետազոտություններ փաստում են, որ մարդու պապիլոմավիրուսի տարածվածությունը շարունակում է նվազել՝ պատվաստման բարձր ցուցանիշ ունեցող երկրներում։
Անգլիայում ՄՊՎ պատվատումների իրականացման արդյունքում կտրուկ նվազել է պապիլոմավիրուսի տարածվածությունը։ 2008 թվականին մինչ մարդու պապիլոմավիրուսային վարակի (ՄՊՎ) դեմ պատվաստումների ներդրումը, Անգլիայում մարդու պապիլոմավիրուսի 16 և 18 տեսակների տարածվածությունը երիտասարդների շրջանում եղել է 15%, իսկ 2018 թվականին համատարած պատվատումների շնորհիվ այդ ցուցանիշը նվազել է և հասել 2%-ի։ Անգլիայում ՄՊՎ-ի դեմ պատվատումների ծածկույթը 83.9% է։
Ավստրալիայում ՄՊՎ-ի դեմ պատվաստումների շնորհիվ 18-24 տարեկան կանանց շրջանում կտրուկ նվազել է ՄՊՎ տարածվածությունը 22.7%-ից /2005թ./ մինչև 1.5% /2015թ./: Ավստրալիան կարող է դառնալ առաջին երկիրը, որը կվերացնի արգանդի վզիկի քաղցկեղը:
Շոտլանդիայում, շնորհիվ համատարած ՄՊՎ պատվաստումների, մարդու պապիլոմավիրուսի շրջանառությունը նվազել է ոչ միայն պատվաստված, այլ նաև չպատվաստված կանանց շրջանում՝ ի հաշիվ կոլեկտիվ իմունիտետի։
Փայտացման կանխարգելման լավագույն միջոցը պատվաստումն է
26.12.2022Հայաստանի Հանրապետությունում փայտացման դեպքերը գրանցվում են հազվադեպ (վերջին դեպքը գրանցվել է 2020 թվականին), սակայն 2022 թվականի դեկտեմբերի 16-ին հանրապետությունում արձանագրվել է փայտացման դեպք, չպատվաստված 85 տարեկան անձի մոտ, որը հոսպիտալացվել է «Ինֆեկցիոն հիվանդությունների ազգային կենտրոնում», վիճակը գնահատվում է ծայրահեղ ծանր:
Փայտացման կանխարգելման, ինչպես նաև դրա բարդություններից խուսափելու լավագույն միջոցը պատվաստումն է:
ՄԵԿՆԱՐԿԵԼ ԵՆ ԿՈՐՈՆԱՎԻՐՈՒՍԱՅԻՆ ՀԻՎԱՆԴՈՒԹՅԱՆ ԴԵՄ ՊԱՏՎԱՍՏՈՒՄՆԵՐԻ ՎԵՐԱԲԵՐՅԱԼ ԱՌՑԱՆՑ ԴԱՍԸՆԹԱՑՆԵՐԸ
12.02.2021✅ 2021 թվականի փետրվարի 11-ից մեկնարկել են կորոնավիրուսային հիվանդության դեմ պատվաստումների վերաբերյալ առցանց դասընթացները:
✅ Դասընթացները նախատեսված են առողջության առաջնային պահպանման կազմակերպությունների բուժաշխատողների (ընտանեկան բժիշկներ, թերապևտներ, մանկաբույժներ, համաճարակաբաններ, պատվաստման կաբինետի բժիշկներ և բուժքույրեր, պատվաստանյութերի պահպանման պատասխանատուներ, տեղամասային բուժքույրեր, բուժկանխարգելիչ կազմակերպությունում իմունականխարգելման գործընթացի պատասխանատուներ) համար:
ԵԹԵ ԴԵՌ ՉԵՔ ՊԱՏՎԱՍՏՎԵԼ ՍԵԶՈՆԱՅԻՆ ԳՐԻՊԻ ԴԵՄ, ԴԻՄԵՔ ՊՈԼԻԿԼԻՆԻԿԱ և ՊԱՏՎԱՍՏՎԵՔ՝ ՊԱՇՏՊԱՆԵԼՈՎ ՁԵԶ և ՁԵՐ ՄՏԵՐԻՄՆԵՐԻՆ
09.12.2020Հանրապետությունում արձանագրվել է սուր շնչառական վարակներով (ՍՇՎ) պայմանավորված ակտիվության աճ: ՍՇՎ-ով պայմանավորված հիվանդացության ցուցանիշը նախորդ շաբաթվա հաﬔմատ բարձր է մոտ 1,5 անգամ։ Ինչպես փաստում են արձանագրված տվյալները, ընդհանուր առմամբ, հիվանդացության ցուցանիշն աճել է բոլոր տարիքային խմբերում։ Կորոնավիրուսային հիվանդության (COVID-19) համավարակի պայմաններում հատկապես կարևորվում է սուր շնչառական վարակների, այդ թվում սեզոնային գրիպի կանխարգելումը: Սեզոնային գրիպի կանխարգելման լավագույն և արդյունավետ միջոցը պատվաստումն է, որը հասանելի է, առկա է ամբուլատոր-պոլիկլինիկական կազմակերպություններում և կիրառվում է ավելի քան տասը տարի
Կարդալ ավելին