ՆՈՐՈՒԹՅՈՒՆՆԵՐ

ԱՐԳԵՆՏԻՆԱՅԻ ՄԱՅՐԱՔԱՂԱՔՈՒՄ ԿԱՐՄՐՈՒԿԻ ԲՌՆԿՈՒՄ Է

21.01.2020

2020 թ. հունվարի 15-ին Արգենտինայի կառավարությունը տեղեկացնում է, որ մայրաքաղաք Բուենոս Այրեսում և նրա մերձակայքում արձանագրվել է կարմրուկի 102 դեպք՝ (telam.com.ar):
Արգենտինայի առողջապահության քարտուղար Կարլի Վիզոտտիի խոսքերով Բուենոս Այրեսում կարմրուկի անկառավարելի բռնկում է, որի վերացման համար պահանջվում են լուրջ միջոցառումներ:
Ըստ հայտարարության, կարմրուկի դեպքերից 100-ը Արգենտինայի քաղաքացիներ են, այդ թվում 7-ը՝ բերովի դեպք, 2-ը՝ Իսպանիայի քաղաքացիներ: Դեպքերի մեծ մասն արձանագրվել է մինչև 1 տարեկան երեխաների շրջանում: Բուենոս Այրեսի Առողջապահության նախարարությունն առավել շատ կարմրուկի դեպքեր արձանագրված տարածքներում սկսել է կարմրուկի դեմ պատվաստումների կամպանիա (հղում՝ https://promedmail.org/promed-post/?id=6897236 ):
Նշենք՝ Հայաստանում կարմրուկի առումով իրավիճակը կայուն է։ 2019 թվականին հանրապետությունում գրանցվել է կարմրուկի լաբորատոր հաստատված բերովի յոթ դեպք, որոնք համաճարակաբանորեն կապված էին Ուկրաինայի, Վրաստանի և Ռուսաստանի հետ:
Կարմրուկի կանխարգելման միակ անվտանգ և արդյունավետ միջոցը պատվաստումն է: Միայն ժամանակին և լիարժեք (առնվազն 2 դեղաչափ) իրականացված պատվաստումները կարող են կանխել կարմրուկը և վերջինիս հետևանքով առաջացած բարդությունները:

Փայտացման կանխարգելման լավագույն միջոցը պատվաստումն է​​

26.12.2022

Հայաստանի Հանրապետությունում փայտացման դեպքերը գրանցվում են հազվադեպ (վերջին դեպքը գրանցվել է 2020 թվականին), սակայն 2022 թվականի դեկտեմբերի 16-ին հանրապետությունում արձանագրվել է փայտացման դեպք, չպատվաստված 85 տարեկան անձի մոտ, որը հոսպիտալացվել է «Ինֆեկցիոն հիվանդությունների ազգային կենտրոնում», վիճակը գնահատվում է ծայրահեղ ծանր:
Փայտացման կանխարգելման, ինչպես նաև դրա բարդություններից խուսափելու լավագույն միջոցը պատվաստումն է:

Կարդալ ավելին

ՄԵԿՆԱՐԿԵԼ ԵՆ ԿՈՐՈՆԱՎԻՐՈՒՍԱՅԻՆ ՀԻՎԱՆԴՈՒԹՅԱՆ ԴԵՄ ՊԱՏՎԱՍՏՈՒՄՆԵՐԻ ՎԵՐԱԲԵՐՅԱԼ ԱՌՑԱՆՑ ԴԱՍԸՆԹԱՑՆԵՐԸ

12.02.2021

✅ 2021 թվականի փետրվարի 11-ից մեկնարկել են կորոնավիրուսային հիվանդության դեմ պատվաստումների վերաբերյալ առցանց դասընթացները:
✅ Դասընթացները նախատեսված են առողջության առաջնային պահպանման կազմակերպությունների բուժաշխատողների (ընտանեկան բժիշկներ, թերապևտներ, մանկաբույժներ, համաճարակաբաններ, պատվաստման կաբինետի բժիշկներ և բուժքույրեր, պատվաստանյութերի պահպանման պատասխանատուներ, տեղամասային բուժքույրեր, բուժկանխարգելիչ կազմակերպությունում իմունականխարգելման գործընթացի պատասխանատուներ) համար:

Կարդալ ավելին

ԵԹԵ ԴԵՌ ՉԵՔ ՊԱՏՎԱՍՏՎԵԼ ՍԵԶՈՆԱՅԻՆ ԳՐԻՊԻ ԴԵՄ, ԴԻՄԵՔ ՊՈԼԻԿԼԻՆԻԿԱ և ՊԱՏՎԱՍՏՎԵՔ՝ ՊԱՇՏՊԱՆԵԼՈՎ ՁԵԶ և ՁԵՐ ՄՏԵՐԻՄՆԵՐԻՆ

09.12.2020

Հանրապետությունում արձանագրվել է սուր շնչառական վարակներով (ՍՇՎ) պայմանավորված ակտիվության աճ: ՍՇՎ-ով պայմանավորված հիվանդացության ցուցանիշը նախորդ շաբաթվա հաﬔմատ բարձր է մոտ 1,5 անգամ։ Ինչպես փաստում են արձանագրված տվյալները, ընդհանուր առմամբ, հիվանդացության ցուցանիշն աճել է բոլոր տարիքային խմբերում։ Կորոնավիրուսային հիվանդության (COVID-19) համավարակի պայմաններում հատկապես կարևորվում է սուր շնչառական վարակների, այդ թվում սեզոնային գրիպի կանխարգելումը: Սեզոնային գրիպի կանխարգելման լավագույն և արդյունավետ միջոցը պատվաստումն է, որը հասանելի է, առկա է ամբուլատոր-պոլիկլինիկական կազմակերպություններում և կիրառվում է ավելի քան տասը տարի

Կարդալ ավելին