ՆՈՐՈՒԹՅՈՒՆՆԵՐ

ՄԱՐԴՈՒ ՊԱՊԻԼՈՄԱՎԻՐՈՒՍԱՅԻՆ ՎԱՐԱԿԻ ԴԵՄ ՊԱՏՎԱՍՏԱՆՅՈՒԹԻ ԱՆՎՏԱՆԳՈՒԹՅՈՒՆ ԵՎ ԱՐԴՅՈՒՆԱՎԵՏՈՒԹՅՈՒՆ

07.06.2019

       2006թ. մարդու պապիլոմավիրուսային վարակի դեմ պատվաստանյութի արտոնագրումից հետո ամբողջ աշխարհում իրականացվում են հետազոտություններ, որոնք ապացուցում են, որ պատվաստանյութն անվտանգ է և կանխարգելում է արգանդի պարանոցի քաղցկեղը:
Ներկայումս պատվաստանյութն առաջարկվում է աշխարհի ավելի քան 84 երկրների՝ մարդու պապիլոմավիրուսային վարակով պայմանավորված արգանդի պարանոցի քաղցկեղի կանխարգելման նպատակով:
Շոտլանդիայում 2008թ-ից 12-13 տարեկան աղջիկների շրջանում իրականացվող մարդու պապիլոմավիրուսային վարակի դեմ պատվաստումներում ընդգրկվածությունը 90% է, որը բերել է արգանդի պարանոցի նախաքաղցկեղային վիճակների կտրուկ նվազման: Պատվաստման արդյունավետությունը կախված է երեխայի տարիքից, որքան վաղ տարիքում է կատարվում այն, այնքան ավելի արդյունավետ է:
Մարդու պապիլոմավիրուսային վարակի դեմ պատվաստումներում բարձր ընդգրկվածությունը, ինչպես նաև արգանդի պարանոցի սքրինինգի լայնածավալ իրականացումը 2020թ. սկսած կբերի 12.5-13.4 մլն դեպքի նվազման մինչև 2069թվականը:

Հղում՝ https://www.hse.ie/eng/health/immunisation/hcpinfo/othervaccines/hpv/hpvsafety/?fbclid=IwAR2c69xkRZYjI1riirHri-zIy408cMX_nRJAV0EJTHEiG1LpnyizUWsLBq0

ԻՄՈՒՆԱԿԱՆԽԱՐԳԵԼՄԱՆ ԵՎՐՈՊԱԿԱՆ ՇԱԲԱԹ

22.04.2020

Իմունականխարգելման մասին հանրության իրազեկվածությունը բարձրացնելու, պատվաստումների միջոցով բնակչությանը վարակիչ հիվանդություններից զերծ պահելու նպատակով 2004 թվականից եվրոպական տարածաշրջանում ամեն տարի իրականացվում է «Իմունականխարգելման եվրոպական շաբաթ» նախաձեռնությունը:

Այս տարի «Իմունականխարգելման եվրոպական շաբաթը» մեկնարկել է ապրիլի 20-ին և կշարունակվի մինչև ապրիլի 26-ը՝ նպատակ ունենալով ողջ կյանքի ընթացքում արժևորել պատվաստանյութերի դերն ու նշանակությունն առողջության և բարեկեցության համատեքստում:

Կարդալ ավելին

ԵՐԵՎԱՆԻ ՔԱՂԱՔԻ ՊՈԼԻԿԼԻՆԻԿԱՆԵՐՈՒՄ ՊԱՏՎԱՍՏՈՒՄՆԵՐԻ ԻՐԱԿԱՆԱՑՄԱՆ ԺԱՄԱՆԱԿԱՑՈՒՅՑ

09.04.2020

Հայաստանի Հանրապետությունում Պատվաստումների ազգային օրացույցով նախատեսված պատվաստումներն այս պահին կատարվում և խրախուսվում են առավելապես: Ելնելով նոր կորոնավիրուսային վարակով պայմանավորված իրավիճակից և ազգաբնակչության շրջանում առկա խուճապից` մ´ի մոռացեք, որ այսօր պատվաստումներով կանխարգելվող վարակներից պաշտպանվելն առավել կարևոր է:
Մեկ անգամ ևս հիշեցնում ենք, որ պատվաստումներով կառավարվող հիվանդությունների կանխարգելման ամենաարդյունավետ միջոցը պատվաստումն է: Միայն ժամանակին իրականացվող պատվաստումների շնորհիվ կարելի է կանխարգելել հիվանդությունները և նրանցով պայմանավորված բարդությունները, սակայն այդ պարագայում կարևոր է պահպանել այս իրավիճակում նոր կորոնավիրուսային վարակի կանխարգելմանն ուղղված բոլոր միջոցառումները:

Կարդալ ավելին

ԿԱՊՈՒՅՏ ՀԱԶԻ ԱՇԽՈՒԺԱՑՈՒՄ

20.03.2020

       Կապույտ հազը վարակիչ մանրէային հիվանդություն է, որը փոխանցվում է օդակաթիլային ճանապարհով՝ հազի և փռշտալու ժամանակ:

Կարդալ ավելին