ՆՈՐՈՒԹՅՈՒՆՆԵՐ

ՊԱՏՎԱՍՏԱՆՅՈՒԹԵՐԸ ՍԵՓԱԿԱՆ ՀԱՋՈՂՈՒԹՅԱՆ ԶՈՀԵՐՆ ԵՆ

23.05.2019

       ԱՄՆ-ում նախկինում վերացած կարմրուկ և պարոտիտ հիվանդությունների վերադարձը ոչ այլ ինչ է, քան հանրային առողջապահության ճգնաժամ: Ընթացիկ տարվա հունվարից սկսած ԱՄՆ-ի 24 նահանգներում արձանագրվել է կարմրուկի 880 դեպք, (1994 թվականից հետո արձանագրված ամենաշատ դեպքերը): Հարկ է նշել, որ դեռևս 2000 թվականին կարմրուկը ԱՄՆ-ում համարվել է վերացած:
Կարմրուկի բռնկումները պայմանավորված են նրանով, որ ԱՄՆ-ում կարմրուկի պատվաստումներից հրաժարվել են ծնողները՝ չպատվաստելով նաև իրենց երեխաներին:
Ինչպես նշել է ԱՄՆ-ի միկրոբիոլոգիայի և մոլեկուլյար բիոլոգիայի ամբիոնի պրոֆեսոր Բրայն Փուլը. «Պատվաստանյութերը սեփական հաջողության զոհերն են: Նրանք այնքան արդյունավետ են, որ շատ մարդիկ չեն առնչվում պատվաստումներով կանխարգելվող հիվանդությունների հետ: Մենք կարիք ունենք մարդկանց ծանոթացնելու այդ հիվանդությունների վտանգների հետ»:

Հղում՝ http://outbreaknewstoday.com/vaccine-hesitancy-change-minds-exposing-people-suffered-vaccine-preventable-diseases-61712/

ԻՄՈՒՆԱԿԱՆԽԱՐԳԵԼՄԱՆ ԵՎՐՈՊԱԿԱՆ ՇԱԲԱԹ

22.04.2020

Իմունականխարգելման մասին հանրության իրազեկվածությունը բարձրացնելու, պատվաստումների միջոցով բնակչությանը վարակիչ հիվանդություններից զերծ պահելու նպատակով 2004 թվականից եվրոպական տարածաշրջանում ամեն տարի իրականացվում է «Իմունականխարգելման եվրոպական շաբաթ» նախաձեռնությունը:

Այս տարի «Իմունականխարգելման եվրոպական շաբաթը» մեկնարկել է ապրիլի 20-ին և կշարունակվի մինչև ապրիլի 26-ը՝ նպատակ ունենալով ողջ կյանքի ընթացքում արժևորել պատվաստանյութերի դերն ու նշանակությունն առողջության և բարեկեցության համատեքստում:

Կարդալ ավելին

ԵՐԵՎԱՆԻ ՔԱՂԱՔԻ ՊՈԼԻԿԼԻՆԻԿԱՆԵՐՈՒՄ ՊԱՏՎԱՍՏՈՒՄՆԵՐԻ ԻՐԱԿԱՆԱՑՄԱՆ ԺԱՄԱՆԱԿԱՑՈՒՅՑ

09.04.2020

Հայաստանի Հանրապետությունում Պատվաստումների ազգային օրացույցով նախատեսված պատվաստումներն այս պահին կատարվում և խրախուսվում են առավելապես: Ելնելով նոր կորոնավիրուսային վարակով պայմանավորված իրավիճակից և ազգաբնակչության շրջանում առկա խուճապից` մ´ի մոռացեք, որ այսօր պատվաստումներով կանխարգելվող վարակներից պաշտպանվելն առավել կարևոր է:
Մեկ անգամ ևս հիշեցնում ենք, որ պատվաստումներով կառավարվող հիվանդությունների կանխարգելման ամենաարդյունավետ միջոցը պատվաստումն է: Միայն ժամանակին իրականացվող պատվաստումների շնորհիվ կարելի է կանխարգելել հիվանդությունները և նրանցով պայմանավորված բարդությունները, սակայն այդ պարագայում կարևոր է պահպանել այս իրավիճակում նոր կորոնավիրուսային վարակի կանխարգելմանն ուղղված բոլոր միջոցառումները:

Կարդալ ավելին

ԿԱՊՈՒՅՏ ՀԱԶԻ ԱՇԽՈՒԺԱՑՈՒՄ

20.03.2020

       Կապույտ հազը վարակիչ մանրէային հիվանդություն է, որը փոխանցվում է օդակաթիլային ճանապարհով՝ հազի և փռշտալու ժամանակ:

Կարդալ ավելին