ՆՈՐՈՒԹՅՈՒՆՆԵՐ
ՎԱՅՐԻ ՊՈԼԻՈՎԻՐՈՒՍԸ ՎԵՐԱԴԱՌՆՈՒՄ Է
17.05.2019 2019թ. մայիսի 15-ին Առողջապահության համաշխարհային կազմակերպությունը հաղորդում է ներկայացրել վայրի պոլիովիրուսի վերադարձի մասին:
Այս շաբաթվա ընթացքում պոլիոմիելիտի 4 դեպք է արձանագրվել Պակիստանում:
Մայիսի 9-ին ԱՀԿ-ն հաղորդում է ստացել Պակիստանում շրջակա միջավայրում վայրի պոլիովիրուսի առաջին տիպի՝ 1 (WPV1) հայտնաբերման վերաբերյալ: Պակիստանում հաստատվել է վայրի պոլիովիրուսի 1-ին տիպով՝ (WPV1) 4 դեպք:
Նշենք նաև, որ Աֆղանստանում այս տարվա ընթացքում հայտնաբերվել է վայրի պոլիովիրուսի 7 դեպք:
Պակիստանում շրջանառվող գենոտիպորեն նույն վայրի պոլիովիրոսի 1-ին տիպը հայտնաբերվել է նաև Իրանում՝ շրջակա միջավայրից վերցված նմուշում: Սակայն Իրանում մարդկանց մոտ հիվանդություն չի արձանագրվել՝ պոլիոմիելիտի դեմ պատվաստումներում բարձր ընդգրկվածության շնորհիվ:
Հղում՝ http://www.promedmail.org/direct.php?id=20190516.6471875
Փայտացման կանխարգելման լավագույն միջոցը պատվաստումն է
26.12.2022Հայաստանի Հանրապետությունում փայտացման դեպքերը գրանցվում են հազվադեպ (վերջին դեպքը գրանցվել է 2020 թվականին), սակայն 2022 թվականի դեկտեմբերի 16-ին հանրապետությունում արձանագրվել է փայտացման դեպք, չպատվաստված 85 տարեկան անձի մոտ, որը հոսպիտալացվել է «Ինֆեկցիոն հիվանդությունների ազգային կենտրոնում», վիճակը գնահատվում է ծայրահեղ ծանր:
Փայտացման կանխարգելման, ինչպես նաև դրա բարդություններից խուսափելու լավագույն միջոցը պատվաստումն է:
ՄԵԿՆԱՐԿԵԼ ԵՆ ԿՈՐՈՆԱՎԻՐՈՒՍԱՅԻՆ ՀԻՎԱՆԴՈՒԹՅԱՆ ԴԵՄ ՊԱՏՎԱՍՏՈՒՄՆԵՐԻ ՎԵՐԱԲԵՐՅԱԼ ԱՌՑԱՆՑ ԴԱՍԸՆԹԱՑՆԵՐԸ
12.02.2021✅ 2021 թվականի փետրվարի 11-ից մեկնարկել են կորոնավիրուսային հիվանդության դեմ պատվաստումների վերաբերյալ առցանց դասընթացները:
✅ Դասընթացները նախատեսված են առողջության առաջնային պահպանման կազմակերպությունների բուժաշխատողների (ընտանեկան բժիշկներ, թերապևտներ, մանկաբույժներ, համաճարակաբաններ, պատվաստման կաբինետի բժիշկներ և բուժքույրեր, պատվաստանյութերի պահպանման պատասխանատուներ, տեղամասային բուժքույրեր, բուժկանխարգելիչ կազմակերպությունում իմունականխարգելման գործընթացի պատասխանատուներ) համար:
ԵԹԵ ԴԵՌ ՉԵՔ ՊԱՏՎԱՍՏՎԵԼ ՍԵԶՈՆԱՅԻՆ ԳՐԻՊԻ ԴԵՄ, ԴԻՄԵՔ ՊՈԼԻԿԼԻՆԻԿԱ և ՊԱՏՎԱՍՏՎԵՔ՝ ՊԱՇՏՊԱՆԵԼՈՎ ՁԵԶ և ՁԵՐ ՄՏԵՐԻՄՆԵՐԻՆ
09.12.2020Հանրապետությունում արձանագրվել է սուր շնչառական վարակներով (ՍՇՎ) պայմանավորված ակտիվության աճ: ՍՇՎ-ով պայմանավորված հիվանդացության ցուցանիշը նախորդ շաբաթվա հաﬔմատ բարձր է մոտ 1,5 անգամ։ Ինչպես փաստում են արձանագրված տվյալները, ընդհանուր առմամբ, հիվանդացության ցուցանիշն աճել է բոլոր տարիքային խմբերում։ Կորոնավիրուսային հիվանդության (COVID-19) համավարակի պայմաններում հատկապես կարևորվում է սուր շնչառական վարակների, այդ թվում սեզոնային գրիպի կանխարգելումը: Սեզոնային գրիպի կանխարգելման լավագույն և արդյունավետ միջոցը պատվաստումն է, որը հասանելի է, առկա է ամբուլատոր-պոլիկլինիկական կազմակերպություններում և կիրառվում է ավելի քան տասը տարի
Կարդալ ավելին